Kanada mposht Afrikën e Jugut 1:0 dhe kualifikohet
Si festoi Ismael Kone pas ndeshjes pavarësisht frakturës së këmbës?
Kombëtarja e Kanadasë ka siguruar kalimin në raundin tjetër të Kupës së Botës pas fitores minimale 1:0 ndaj Afrikës së Jugut. Një nga momentet më të diskutuara pas takimit ishte prania e Ismael Kone, lojtari që kishte pësuar një lëndim të rëndë pak ditë më parë.
Kone, i cili theu këmbën gjatë një ndeshjeje në turne për shtatë ditë më parë, befasoi të gjithë duke u dukur në këmbë në dhomat e zhveshjes. Lojtari u shfaq duke kërcyer dhe festuar kualifikimin e skuadrës, ndërsa bashkëlojtarët e tij u tallën duke deklaruar se ai është gati për ndeshjen e radhës.
Pavarësisht festimeve, aventura e Kone në këtë turne ka marrë fund zyrtarisht. Pritet që lojtari të mbetet jashtë fushave për një periudhë prej 4 deri në 5 muaj për shkak të gravitetit të frakturës, ndërsa trajneri Jesse Marsch i quajti lojtarët e tij heronj kanadezë pas kualifikimit.
Burim: IndeksOnline
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.