Si stërviten KFOR dhe forcat daneze për transport ajror në Kosovë?
Ushtarët e Komandës Rajonale Lindje zhvilluan ushtrime sling-load me qëllim përmirësimin e ndërveprueshmërisë në operacione.
PRISHTINË — Ushtarët e Komandës Rajonale Lindje (RC-E) të KFOR-it kanë zhvilluar ushtrime transporti ajror të pajisjeve së bashku me Forcat e Armatosura Daneze në kampin “Novo Selo”, njoftoi misioni i NATO-s në Kosovë.
Sipas njoftimit, trajnim për sling-load synonte të përmirësonte aftësinë për transport ajror të sigurt të pajisjeve dhe mbështetjen e operacioneve në rajon. KFOR theksoi se aktivitetet rrisin bashkëpunimin ndërmjet forcave shumëkombëshe dhe forcojnë kapacitetin operacional, “duke reflektuar përkushtimin e vazhdueshëm për garantimin e një ambienti të sigurt”.
Misioni rikujtoi se vazhdon mandatin sipas Rezolutës 1244 të KS-OKB-së, në koordinim me Policinë e Kosovës dhe EULEX-in.
Burim: Telegrafi, https://telegrafi.com/ushtaret-e-kfor-it-trajnohen-per-transport-ajror-te-pajisjeve-ne-kosove/
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.