Vol. I
Nr. 162
viti 2026 i pavarësisë
KQZ nis numërimin e votave të diasporës në 30 ambasada
Sa vota ka mbledhur diaspora në zgjedhjet e 6 qershorit?
PRISHTINË — Në Qendrën e Numërimit dhe Rezultateve ka filluar numërimi i fletëvotimeve nga votimi në përfaqësi diplomatike, njoftoi zëdhënësi i KQZ-së, Valmir Elezi.
Votimi është zhvilluar më 6 qershor në 30 përfaqësi diplomatike. Sipas Elezit, nga 27.724 shtetas të regjistruar kanë votuar 22.360 prej tyre, ose 82.46%.
Ai tha se në QNR vazhdon verifikimi i pakove të supozuara me fletëvotime të votimit jashtë Kosovës, përfshirë votimin me postë. “Deri në përfundim të ditës së mërkurë, në vlerësim janë përfshirë 23.300 pako,” tha ai. Arsyeja më e shpeshtë e refuzimit të pakove është mungesa e dëftesës së regjistrimit nga KQZ.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.