Si u bënë djemtë e dy policëve të rënë në detyrë kadetë në AKSP?
Kryeministri në detyrë vlerësoi Akademinë e Sigurisë Publike, duke veçuar Sokol Enver Zymerin dhe Jetlum Afrim Bunjakun në gjeneratën e 63-të.
PRISHTINË — Kryeministri në detyrë Albin Kurti ka vlerësuar punën e Akademisë së Kosovës për Siguri Publike (AKSP), duke veçuar dy kadetë të gjeneratës së 63-të të Policisë së Kosovës: Sokol Enver Zymerin dhe Jetlum Afrim Bunjakun, djem të zyrtarëve policorë të rënë në krye të detyrës.
"Sokoli dhe Jetlumi sot janë kadetë në këtë Akademi ndërsa pas diplomimit do të jenë zyrtarë policorë shembullor në shërbim të qytetarëve tanë dhe në mbrojtje të Republikës sonë", ka thënë Kurti.
Gjatë tremujorit të parë të 2026-s, AKSP u akreditua për periudhën pesëvjeçare 2026–2031 në arsimin e lartë. Aktualisht po trajnohen 412 kadetë të Policisë së Kosovës dhe 100 kadetë të Shërbimit Korrektues. Kurti premtoi mbështetje "të plotë dhe të parezervë" për zhvillimin akademik dhe hulumtues të institucionit.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.