Çfarë diskutoi Maqedonci me zyrtarin e NATO-s për FSK-në?
Ministri në detyrë i Mbrojtjes, Ejup Maqedonci, diskutoi me Kevin Hamilton për integrimin euro-atlantik dhe modernizimin e FSK-së sipas standardeve të NATO-s.
PRISHTINË — Ministri në detyrë i Mbrojtjes, Ejup Maqedonci, ka takuar Zëvendës Ndihmës Sekretarin e Përgjithshëm për Partneritete në NATO, Kevin Hamilton. Sipas njoftimit të Maqedoncit në Facebook, ai ka ritheksuar përkushtimin e Kosovës për integrimin euro-atlantik dhe forcimin e partneritetit strategjik me NATO-n.
Maqedonci tha se kanë diskutuar zhvillimin e mëtejmë të Forcës së Sigurisë së Kosovës, modernizimin e kapaciteteve sipas standardeve të NATO-s, rritjen e investimeve në mbrojtje dhe vazhdimin e pranisë së NATO-s dhe KFOR-it për paqen në Ballkanin Perëndimor.
“Kosova mbetet e përkushtuar të kontribuojë gjithnjë e më shumë në sigurinë rajonale dhe ndërkombëtare, duke avancuar nga një konsumuese e sigurisë në një kontribuese aktive për paqen dhe stabilitetin,” tha ai.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.