Çfarë do të prodhojë fabrika e parë e inteligjencës artificiale në Maqedoni?

SHKUP — Ministria e Transformimit Dixhital dhe Fakulteti i Shkencave të Informacionit dhe Inxhinierisë Kompjuterike shënuan fillimin e projektit "Vezilka" — Qendrës së parë Kombëtare për Inteligjencë Artificiale në Maqedoninë e Veriut. Infrastruktura do të shërbejë për zhvillimin e njohurive, inovacionit dhe aplikimin e IA-së.

Kryeministri Hristijan Mickoski tha se qasja në infrastrukturën evropiane për IA dhe në superkompjuterë do t'u japë ideve këtu mundësi të konkurrojnë në nivel evropian dhe global. "Kjo paraqet një nxitje të fortë për rritjen ekonomike, për hapjen e vendeve të reja të punës dhe për krijimin e mundësive të reja për gjeneratat që vijnë", deklaroi ai.

Ministri Stefan Andonovski e cilësoi projektin investim sistemik për të ardhmen. "Sot po hedhim themelet për një infrastrukturë të re kombëtare për njohuri, inovacion dhe zhvillim teknologjik", tha ai. "Një vizion në të cilin Maqedonia nuk është vetëm përdoruese e teknologjive të reja, por edhe krijuese e tyre aktive".

Euroambasadori Mihalis Rokas e vlerësoi "Vezilkën" si hap të rëndësishëm në rrugëtimin digjital të vendit. "Pyetja nuk është a e formëson Inteligjenca Artificiale të ardhmen, por sa kjo e ardhme është konkuruese dhe e besueshme", theksoi ai.

Projekti zbatohet si partneritet strategjik midis Qeverisë, Ministrisë së Transformimit Dixhital, komunitetit akademik dhe Bashkimit Evropian. Fakulteti i Shkencave të Informacionit dhe Inxhinierisë Kompjuterike është institucioni kryesor. Vlera e investimit: rreth 30 milionë euro.

Burim: Shenja
— Redaksia ZHURMA