Si dyshohet se manipuloi votat anëtari i komisionit zgjedhor në Prizren?
Prokuroria kërkon paraburgim për A.D., pasi dyshohet se fshehu gjashtë fletëvotime të paplotësuara në qendrën e shkollës 'Sharr' në Jabllanicë.
PRISHTINË — Prokuroria Themelore e Prizrenit ka kërkuar masën e paraburgimit për një anëtar të komisionit zgjedhor, të dyshuar për "Asgjësim të dokumenteve të votimit".
I pandehuri A.D. dyshohet se në qendrën e votimit të shkollës "Sharr" në fshatin Jabllanicë të Prizrenit, mori dhe fshehu gjashtë fletëvotime të paplotësuara që kishte shkëputur paraprakisht nga blloku. Sipas Prokurorisë, veprimi u krye "me qëllim të pengimit të zhvillimit të rregullt të procesit zgjedhor dhe cenimit të shprehjes së lirë të vullnetit të qytetarëve".
Prokuroria e Prizrenit shprehu se "mbetet e përkushtuar në mbrojtjen e integritetit të procesit zgjedhor" dhe do të vazhdojë hetimet në bashkëpunim me organet e zbatimit të ligjit.
Burim: RTV21
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.