Pse janë vendosur forca policore në Prishtinë gjatë votimit me kusht?
Zëdhënësi Baki Kelani thotë se prezenca policore shërben vetëm për të mundësuar të drejtën e votës për personat në arrest shtëpiak.
PRISHTINË — Policia e Kosovës ka sqaruar praninë e forcave të shumta policore në kryeqytet gjatë ditës së zgjedhjeve. Sipas zëdhënësit të Policisë, Baki Kelanit, prezenca e zyrtarëve ka qenë në kuadër të asistimit për Komisionin Qendror të Zgjedhjeve (KQZ).
Qëllimi i këtij asistimi është mundësimi i votimit me kusht për persona që ndodhen në masën e arrestit shtëpiak. "Ne ju asistojmë KQZ-së për çështje të votimit me kusht, që janë disa persona të atyre që janë të ndaluar me arrest dhe tash ne ju asistojmë për me kry të drejtën e votimit. Kjo është veç asistencë të votimit me kusht që e kanë ata", deklaroi Kelani për Klankosova.
Policia theksoi se ka ofruar vetëm mbështetje për realizimin e së drejtës së votës së këtyre personave, jo për ndonjë operacion tjetër.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.