Sa pasagjerë do të përpjekë Rinasit deri në dhjetor?

TIRANË — Aeroporti Ndërkombëtar i Rinasit pritet të shënojë një rekord të ri të lëvizjeve gjatë këtij viti. Autoriteti i Aviacionit Civil parashikon që deri në dhjetor, numri i pasagjerëve të arrijë në 13.5 milionë, duke tejkaluar kështu shifrën e regjistruar në vitin 2025.

Maksim Et’hemaj nga Autoriteti i Aviacionit Civil deklaron se nga janari deri tani është shënuar një rritje prej 13% e numrit të fluturimeve. Situata është edhe më e ngarkuar gjatë sezonit veror, ku nga java e fundit e marsit rritja ka shkuar në 24% krahasuar me vitin e kaluar.

Një nga pikat më problematike mbetet zona e bagazheve. Et’hemaj shpjegon se ndërsa kapaciteti i avionëve në orë është rritur nga 10 në 24, rripat e bagazheve procesojnë vetëm deri në 8 avionë në orë, ndërsa në disa raste mbërrijnë deri në 12 avionë.

Për të adresuar këtë dobësi, zona e bagazheve do të riorganizohet plotësisht, ku transporti do të bëhet nën tokë dhe shpërndarja do të automatizohet. Gjithashtu, investimet përfshijnë zgjerimin e terminalit, zgjatjen e pistës dhe instalimin e dy skanerave të rinj të sigurisë për të shmangur vonesat.

Një sfidë tjetër mbetet mungesa e stafit, veçanërisht te siguria dhe bagazhet, për shkak të presionit të punës dhe kohës së gjatë së kontrolleve të policisë. Për të ruajtur standardin që udhëtari të mos vonohet më shumë se 20 minuta, do të shtohen punonjës te kontrolli i pasaportave.

Burim: Gazeta Tema
— Redaksia ZHURMA