Çfarë diskutuan Sorensen dhe e dërguara britanike për dialogun Kosovë-Serbi?
Përfaqësuesi i BE-së për dialogun takohet me Dame Karen Pierce për të koordinuar qëndrimin ndaj normalizimit të marrëdhënieve.
PRISHTINË — I dërguari special i Bashkimit Evropian për dialogun Kosovë-Serbi, Peter Sorensen, ka zhvilluar një takim me të dërguarën speciale të Mbretërisë së Bashkuar, Dame Karen Pierce. Sorensen e bëri të ditur përmes një postimi në X.
Në takim u diskutua dialogu ndërmjet Prishtinës dhe Beogradit, rëndësia e angazhimit të vazhdueshëm në këtë proces, si dhe qëllimi i përbashkët BE-MB për avancimin e normalizimit të marrëdhënieve.
"Është kënaqësi të takoj të dërguarën speciale të Mbretërisë së Bashkuar, Dame Karen Pierce. Diskutuam për dialogun Beograd-Prishtinë, rëndësinë e angazhimit të qëndrueshëm dhe qëllimin tonë të përbashkët BE-MB për avancimin e normalizimit", ka shkruar Sorensen.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.