Supremja i kundërpërgjigjet Odës së Avokatëve: Vonesat në paraburgim, të pavërteta
Gjykata Supreme e Kosovës i hedh poshtë pretendimet e Odës së Avokatëve për vonesa sistematike në shqyrtimin e rasteve të paraburgimit.
PRISHTINË — Gjykata Supreme e Kosovës ka reaguar ndaj deklaratave të Odës së Avokatëve të Kosovës, duke i cilësuar si të pavërteta pretendimet për vonesa në trajtimin e rasteve të paraburgimit. Në një "kundër-reagim dhe sqarim për opinionin publik", gjykata shprehu keqardhje për mënyrën e reagimit të Odës.
Sipas Gjykatës Supreme, pas verifikimeve të kryera, pretendimet për vonesa "nuk qëndrojnë dhe nuk janë të mbështetura në fakte". Gjykata thekson se çështjet e paraburgimit trajtohen me urgjencë dhe prioritet të lartë, brenda afateve të Kodit të Procedurës Penale dhe standardeve ndërkombëtare për mbrojtjen e lirisë personale.
Gjykata ftoi Odën e Avokatëve që, nëse ka raste konkrete tejkalimi afatesh, t'i adresojë zyrtarisht tek kryetari i gjykatës, duke nënvizuar gatishmërinë për bashkëpunim profesional.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.