Çfarë vizitoi zyrtari i NATO-s në urën e Ibrit dhe kë falënderoi?
Ambasadori Kevin Hamilton postoi fotografi nga kalimi i urës së Mitrovicës me kapitenin zviceran të KFOR-it.
MITROVICË — Zëvendësndihmëssekretari i përgjithshëm për Partneritete në NATO, ambasadori Kevin Hamilton, gjatë vizitës së tij në Kosovë ka qëndruar edhe në Mitrovicë, ku ka vizituar urën e Ibrit.
Hamiltoni publikoi një fotografi nga kalimi i urës së Mitrovicës, së bashku me kapitenin Raemy të Forcave të Armatosura Zvicerane nga Ekipi i Monitorimit dhe Ndërlidhjes i KFOR-it në veri të Kosovës. Në postimin e tij shkroi: “Thellësisht mirënjohës ndaj partnerëve të NATO që shërbejnë përkrah nesh në KFOR”.
Gjatë vizitës në rajon, Hamiltoni është takuar me krerët e institucioneve të Kosovës dhe ka qëndruar gjithashtu edhe në Serbi.
Burim: Zëri
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.