Çfarë vendosi Gjykata në Lipjan për Bekim Metën?
Pse refuzoi gjykata paraburgimin e ish-luftëtarit të UÇK-së pas sulmit në fshatin Magurë?
— Gjykata Themelore, dega në Lipjan, refuzoi kërkesën e Prokurorisë për paraburgimin e ish-veteranit të UÇK-së, Bekim Meta. Në vend të burgimit, gjyqtari i procedurës paraprake caktoi masën e arrestit shtëpiak për të mbrojturin.
Avokati i tij, Luan Tasholli, konfirmoi se klienti do t'i respektojë të gjitha detyrimet ligjore që rrjedhin nga kjo masë. Vendimi erdhi pas një seance gjyqësore që u ndiq me interes të madh nga qytetarët dhe veteranët e mbledhur para objektit të gjykatës.
Protestuesit qëndruan mbi gjashtë orë në pritje, duke kërkuar drejtësi për Metën, i cili dyshohet se ndërhyri për të ndarë palët tri ditë më parë. Ngjarja ndodhi në fshatin Magurë, ku një grup personash të komunitetit rom dyshohen se sulmuan Bekim Metën dhe Skender Shahinin para shtëpisë së kët të fundit.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.