Pse kërkon Labinot Tahiri protesta për marrëdhëniet me SHBA-në?
Këngëtari bëri thirrje për mobilizim qytetar duke vënë në dukje se po cenohen marrëdhëniet me aleatin kryesor strategjik të Kosovës.
PRISHTINË — Këngëtari i njohur Labinot Tahiri – Labi ka ngritur shqetësime lidhur me raportet e Kosovës me Shtetet e Bashkuara të Amerikës. Përmes një reagimi publik, ai ka bërë thirrje për mobilizim të qytetarëve, duke u nisur nga vendimet që sipas tij po e cenojnë marrëdhënien me aleatin kryesor të vendit.
Tahiri ka kujtuar mbështetjen që Amerika i ka dhënë Kosovës para dhe gjatë periudhave më të vështira të historisë së saj. Ai shkroi se duhet të ngrihemi në protestë ashtu siç e kemi kërkuar Amerikën para luftës, edhe tani në ruajtjen e miqësisë me Amerikën.
Në këtë kuadër, ai ka shtruar pyetje për politikat ekonomike dhe energjetike të vendit. Ai vuri në dukje se në vend vazhdojnë të qarkullojnë mallra serbe, ndërsa në anën tjetër po refuzohet bashkëpunimi në fusha të caktuara, siç është rasti ku po refuzohet projekti amerikan.
Burim: IndeksOnline
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.