Pse Zvicra zgjeron ndalimin e duhanit edhe në hapësira të hapura?

ST. GALLEN — Votuesit në qytetin e St. Gallenit kanë miratuar ndalimin e pirjes së duhanit në të gjitha këndet komunale të lojërave, duke e zgjeruar kështu politikën e zonave pa duhan edhe në hapësira të hapura publike.

Deri më tani, ndalimet në Zvicër ishin kryesisht për ambientet e mbyllura. Tani, rregulla të ngjashme po shtrihen edhe në pishina publike dhe pranë hyrjeve të stacioneve hekurudhore. Në pishinën e Herzogenbuchsee, pirja e duhanit lejohet vetëm në zona të caktuara.

Autoritetet dhe ekspertët e shëndetit publik theksojnë se qëllimi është mbrojtja e qytetarëve, veçanërisht e fëmijëve, nga tymi pasiv. Megjithatë, studiuesit thonë se nuk ka prova të qarta që këto zona e ulin drejtpërdrejt konsumin e duhanit.

Sidoqoftë, masat mund ta bëjnë pirjen më pak të lehtë dhe të nxisin lënien e tij. Organizatat shëndetësore vërejnë se Zvicra ende ka rregulla më të buta krahasuar me disa vende evropiane, ku ndalimet janë më të ashpra edhe në automjete private apë në tarraca restorantesh.

Tendenca në vend është drejt zgjerimit të hapësirave pa duhan, si pjesë e politikave për mbrojtjen e shëndetit publik. Pyetja që mbetet është nëse kufizimet e reja do të ndikojnë vërtet në uljen e numrit të duhanpirësve, apë thjesht do të zhvendosin zakonin në zona pa rregulla.

Burim: Albinfo.ch
— Redaksia ZHURMA